泰國藍帶？？

當我同朋友講去泰國藍帶學廚，有幾個反應

你去學泰國菜？ 幾個月，好快返⋯⋯

泰國藍帶，同法國藍帶一吾一樣嫁？

幾時煮比我地食？

而我阿媽既反應

你份工點算，你點都係一個經理，成日可以周圍去，你重想點呀⋯⋯

當然亦有一些支持既朋友

你都係時間去做其他野，係一間中資公司打工，係甘上下，一係你低頭做野，咩都不理 ，一係做一些你想做既事，況且你都有少少係呢方面潛質⋯⋯

在去藍帶之前，我做了很多方面資料搜集，畢竟學費不平宜呀，9個月學費加生活費，再加上可能一段時間沒有收入，無十幾個開點生存呀⋯⋯其實好多人問點解一定要去藍帶？不如你去酒店或餐廳做下先，但我都已經一把年幾，重要咩都吾識去做阿四 ，家下做阿四都要好專業嫁，而且我都想知道自己是否有天份？

有時候，你以為失去機會，但可能是另外一個機會來臨

去讀一個9個月課程，好似好簡單，但對於有一份工的人，辭職去找另一個開始，確實有D冒險，尤其一個做了10幾年既人，學方健儀話要跳出自己 "COMFORT ZONE"，不簡單，但對於一個無樓，無車，無家庭負擔既人，WHY NOT？ 況且，身為一間香港上市公司既市場經理既我，在過去幾年都買吾到樓 （亦吾想成世人為在層樓），我去做學廚，其中一個想法係，就算年幾大既時候，都有一門手藝，每日係自己一間小小食店，煮野比人吃，做到自己想退休為止。 而且我吾想自己做市場經理去到40幾50幾，仍要拋頭露面，到時中年人老珠黃，公司都吾知點處理你，我學完廚後，或許都要在廚房工作，做廚房只要有門手藝，我相信會有餐廳要人呀，總有出路⋯⋯

點解去泰國讀呢？ 同點解係藍帶？點解係西餐？

歐洲菜西餐都係以法國菜為基本，其實我最愛意大利菜，但法國菜有多年歷史流傳到現在，一定有其獨特之處，至於點解要去泰國？因為香港無藍帶，只有 香港西廚學院 （藍帶高手如雲，所以在去藍帶之前，我在香港西廚學院上了一年晚間課程）及 煤氣同法國Escoffier 開辦的西廚課程，煤氣課程只是剛開始，雖然好方便可以係香港讀，但始終藍帶比較傳統，而且亞洲出名既廚都係藍帶出來，而去得藍帶學廚的，大部份都在餐廳做過或在此行業出生，有一少部份是家庭主婦去讀，我班同學有兩位阿太去讀，有司機接載，另外有大部份都係自己或家人已經開餐廳。

我呢⋯⋯無係餐廳做過，不過因為我阿媽係一位廚師 （中菜及印尼菜），由細到大成日都吃到好野，所以都影響到我，所以我由細到大，隨了吃中菜外 （廣東，潮州及客家），另外就係印尼菜。

至於點解泰國？生活水平比起香港平，而且我亦想學埋泰菜，雖然藍帶都有泰菜學，但我想去D本地一點的廚藝中心，再其次曼谷返香港近，而且我以往經常去曼谷，生活起上來都非常方便。

1月7日開學日，返學第一日，主要都係影下學生相，派下上堂用具，藍帶用的那一套刀印有Le Cordon Bleu，只有學生先有，由於第一日返學，未有儲物櫃派發，所以成套刀都要先帶走，而我在去泰國前仍未搵到屋住，開學第一個星期我住在學校附近的小酒店，步行10分鐘，所以我攞住套刀都無問題，但有些同學就有點小煩，因在泰國搭地鐵是最方便的，但是會有職員查搭客袋，攞住套刀，一般都吾可以搭地鐵，只可以搭的士，好彩開學日，只有一個早上，不塞車，的士都吾係咩問題⋯⋯

今次開BLOG，第一個BLOG題目是問號，但說實在能夠在無憂無慮，一切順利下入讀，我希望以後的題目沒有問號，有的只是可以跟大家分享的快樂！

感恩！ 一切都有祢在帶領！