有風味的船麵
好多人到泰國，一定吃魚蛋河，包括我自己在內以為THB 40-50 一碗已經平靚正，但重網上推介得知，在BTS Victory Monument 行大慨10-15分鐘，便可以吃到只THB 12一碗的船麵，即港幣 HKD2.6左右，份量比一般泰國魚蛋河分量少一半，與香港魚蛋河份量為1/4，但點都是平，但平野並不是無好野，濃濃湯底，與平時食的魚蛋河不同，黑啡色的湯，因為是牛肉麵，與台灣牛肉麵亦不同，泰國多了泰國香辛料，牛肉不是非常之濃，但與河粉及蛋麵再加上通菜配合，細細一碗，正常可吃6碗，因為一碗基本吃兩吃已吃完。
去到有不同的店鋪 （有紫衫，粉紅，橙色⋯⋯店鋪員工顏色），我就選了最入同最多泰國人吃，中午4點去吃下午茶，除了牛肉外亦可選擇猪肉，粉紅湯是本地泰國人喜歡的腐乳味，我都是比較喜歡濃濃牛肉湯味，店鋪亦非常細心，知道遊客吾識講，擺定各麵條的SAMPLE比你指住叫，河粉，金邊，粉絲，米粉及蛋麵，此鋪蛋麵不錯呀，所以雖然選擇少一點，但以THB 12一碗，湯及粉麵質素不差，難怪多泰國人吃。
另外，有我最喜歡的炸猪皮，沒有隔夜油味，烤雲吞皮雖然不是即炸，但與湯底同吃，好味！其實係T21亦有得吃船麵，但在商場吃，似乎無左個風味，吃有時是需要一點環境配襯呢！
值得推介到泰國曼谷的朋友！
詳細地點 （基本見到出口天橋一直行，去到差不多盡，見到小河下橋，天橋基本行15分鐘），可參考以下：
BTS Victory Monument
呢個SAMPLE盒會一直擺放係你面前指住叫⋯⋯方便！
以前泰國人真係船上面煮麵賣，我選的鋪雖然不是在船上，但露天座位亦似在船上賣麵，有外國人客去幫襯呢，但大熱天，都係座入去冷氣位好D！