泰國街市 Fresh Market

喜歡煮野食既人，一定喜歡去街市，我認我係街市精，無論去邊度旅行，我一定會搵下有無街市或市集行，行街市可以尋找好多不同食材，但以前在曼谷三日兩夜旅遊行程點會編半日去行街市，除非你去翟道翟 JJ market，順便去 Or Tor Kor，但 Or Tor Kor 距離我現在住處比較遠，除非我要買龍眼干，一般都少去呢個街市。

兩個較為我常去的街市一個係 Khlong Toei Pier Market，係曼谷最大街市，食材價錢可以話比超市平好多，但我一個人，點買甘多野，如上圖白蘿白，港紙 HK＄20一大袋，Khlong Toei街市相比起香港任何一個街市都大，大慨6-7個荃灣楊屋道行市，蔬菜，水果，肉類，海鮮及雜貨全部分類，基本上易找，但此街市是給本地人行，一定不是遊客推介，去一定要著一對吾要既舊鞋，同一定要受得住街市既熱同味！腳一定踏黑渠水，但如果你好似我要買一大袋青檸、班蘭葉、香茅或其他泰國新鮮香料，這裡是非常新鮮！

另一個是一個小型街市，但都屬市中心，在Silom印度廟對面，一般網上好少介紹，因為小型同最好每日12點前去，但要買既泰國食材一定買得到，因為附近有一間漸漸出名教泰菜的學校都係帶學生到呢個街市介紹食材，而且價格亦不貴，如要大量入貨，好似我要買青檸、班蘭葉、香茅等亦可以買到，但比起 Khlong Toei，當然 Khlong Toei平好多，但勝在較近本人住處，其實曼谷吾似香港，每一區都有一個街市，尤其曼谷，如果只是買小量，超市價格亦其實相當合理，而且新鮮，更何況泰國人基本好多家庭都外買打包，甚少開火，街上小檔及food court 價錢比自己煮更平，泰國人放工返家，最少都1個鐘，所以放得工街市都收檔！

重有一個街市泰國同學介紹，Samyan Market是一個較為乾淨及整齊的街市，似香港市政大廈街市，而且有好多有質數海鮮買，但由Samyan MRT 行過去有點遠， 但如果你在MBK 或SIAM附近想行街市，可以考慮，而且中午3:00前仍正常開店！

總括而言，如果你好似我呢個街市精喜歡行街市，不況去行一行，見到新鮮食材，不買都好開心！

Khlong Toei Pier Market

(由MRT Khlong Toei站 或 Queen Sirikit National Convention Center站行10分鐘)

時間： 最好在11時前去，中午12時後天氣熱，小店已關

備註： 新鮮食材肉類、海鮮、水果、泰式香料

Silom Market, Soi Silom 20

(由BTS Chong Nonsi 站再走15分鐘, 印度廟對面)

時間： 中午12時前

備註： 新鮮食材、水果、泰式香料

Samyan Market

(由MRT Samyan 站行20分鐘 或由 BTS MBK 轉的士10分鐘)

時間： 中午3時前

備註： 新鮮食材，海鮮

Or Tor Kor Market

(MRT Kamphaengphet出口行2分鐘 或由 Chatuchak Market 尾行過天橋 )

時間： 官方為8時，但一般6時已關