泰國藍帶 － Lets's Cook

藍帶一般都是一星期上4日課，每星期學9 個菜式，實習3個菜式，4天上課時間，每一堂大廚會試範3個菜式，其中一個菜式為我們接住的實習菜式，一星期是3堂試範再加3堂實習，每堂3個鐘，如果上實習堂，我們最少要15至20分鐘準備換衫及上廁所，一般上試範或實習去洗手間會好似返到小學，要舉手問準才可以去，上試範或實習禁玩手機，只許拍菜式相片，藍帶只提供菜式用量，煮法自己抄寫，所以對新手實習，有一定困難，因為其實睇阿廚煮既時候，你已經要背程序，在實習時先睇自已手抄筆記，時間上太慢了，我們只有2.5小時包括清潔及準備材料，雖然材料已按各學生分配，但洗洗切切及煮焗，時間只係剛剛好。

上堂最緊湊既安排，就係8:30 - 11:30試範堂，接住12:30 - 3:30實習，8:30上堂，一般要在7:30到學校，所以7:00會出門口 （因BTS上幾次先上到車，雖然只是10分鐘既路程），上試範堂，雖然我地只係聽，但穿著整齊 （女士長頭髮要有髮網，著廚師鞋），上實習堂要戴帽，圍裙及廚師領帶，所以一落堂，我們只有十幾分鐘去飲杯咖啡，食下小食，之後穿著整齊，早15-20分鐘到達實習室，在實習的3個小時，全力併勁煮好菜式，務求達到快靚整！

快 － 要在2.5小時前呈上菜式，碟及菜 （包括伴菜都要暖）

靚 － 菜式要擺碟靚，碟一定要非常乾淨

整 － 味道要正宗

當你由早上6:30起床去到下午3:30，大多同學都筋皮力盡！ 其實比平時座在辦公室，用更多勞力！所以如果試範加實習連在一起而要在晨早起床，我一般的實習菜式都一般，個腦都已經實在，點可能有好表現 （賴）⋯⋯

實習堂既第一及二個菜都係湯，第二個菜就係蟹湯，在香港廚藝學院（香廚) 學過是煮蝦及雪藏龍蝦湯，煮法大致上差不多，但在香廚是學了半個學期才煮呢一個湯，但味道當然是蟹湯勝出，鮮甜程度 （因為新鮮），不會輸龍蝦，但第二個實習已經如此，所以基本課程基實不基本，但在香廚學習既時候，煮呢類湯最大貼士，就係在過濾湯時，一定要大力把煮到爛既海鮮汁在過濾網時大力壓出來，所以藍帶阿廚試味時，都就我我湯是最濃，但我都有一個錯處，就係下紅椒粉是太多，阿廚受不了辣⋯⋯但我仍然覺得在香廚上了差不多一年晚間西廚是有幫助的，但自己作品仍有幾個問題，碟太熱或不乾淨，食物煮時過熟 （都係魚既問題），伴菜既薯仔未能整出欖球型⋯⋯

噢⋯⋯唯有繼續努力!

---