泰國生活 － 有關開啟泰國戶口銀行事宜

相信大家熟悉的泰國銀行應該是 － 盤谷銀行 bangkok bank， 但其實泰國還有以下幾間銀行：Siam commercial bank、Krungthai bank、Kasikorn bank、 中國工商銀行、 渣打銀行、大華銀行 UOB等等⋯⋯

如果你係藍帶學生， 學校會寫封信畀你去開戶口，方便交學費， 我記得我當初去開戶口嘅時候係，完全唔知道學校會幫我寫封信開户口（開學日先同我地講，但入學之前已交學費)，開學前我每一間銀行都問，由盤谷銀行開始一路搵銀行，因為我冇工作證即working permit，一般銀行係吾會同你開， 所以就算你有護照，都開唔到戶口，銀行驚你利用泰國戶口洗black money黑錢，好彩我開户時，有泰國朋友幫我解釋，話我係泰國藍帶讀書，只要出示有關入學信，銀行先開綠燈，終於係Kasikornbank開到個户口，而且Kasikornbank 銀行多個7-11便利店，ATM多到不得了，非常方便。

千祈唔好睇小曼谷嘅銀行服務，所有網上銀行及手機銀行服務應有盡有，真係唔畀香港嘅渣打銀行或者citibank輸蝕，基本上，一個手提電話 就可以做到交租、交電話費、 交電費⋯⋯ 真係方便到不得了，我畢完業後， 我都仲保留住銀行個戶口，但要留意網上銀行及手機銀行駁死在泰國手提電話，如要使用網上銀行及手機銀行服務一定要保持住你的泰國手提電話號，一但你改了手提電話，就要做銀行更改。

如果你無working permit或學校證明信，要在泰國開戶口都幾難，但除非你在泰國生活或退休，有關以上開辦手續，純個人分享，有齊文件，最終銀行是否給矛開戶亦不一定，建議有需要開銀行戶口的朋友，先問一問學校或工作單位，以方便申請。