曼谷機場的廉價地道美食

我在藍帶基本課程在3月已經完結，接下來是6個月的中及高級課程，因學校在3月－4月中放泰國新年假，所以我亦在此段時間回香港，由於我們是學生簽證，如果在簽證時期出境，要申請Re-entry，所以返香港當日，我就要早兩個鐘到泰國機場 （Suvarnabume Airport) 攪手續，但check-in加攪手續不用20分鐘完成，而且我早到機場 （怕去機場塞車），距離上機時間足足早2個鐘，腦海內想起blog友話機場內有個美食檔，平宜好吃。

其實都吾係平貴問題，我都吃過機場入面Mango Tree，機場芒果糯米飯亦有買過，但好似一入機場境內就沒有地道味道，在機場 B1 有個叫Magic Food Point 的地方，如果從4樓出境去到B1, 起碼都要10分鐘左右，但鑑於當日太多時間，而且我最想吃碗魚蛋粉地道野，因上機後會有餐食，吾使吃太飽⋯⋯

我去泰國都N次，但第一次去呢個 Food Court，果然無白費吃力行過來，魚蛋粉、糖水、咖哩、雞飯及即場整既椰汁芒果糯米飯，吃完碗魚蛋粉，再打包三盒芒果糯米飯⋯⋯"正"！

但如果大家吾想見到一大班強國人，就真的不要來了，因呢個地方真在是比強國人包場，因為價格算係機場最平與市區吃一樣，Food Court賣野食既泰國人都識講國語，強國人出國做任何事一般都好心急，排隊買票，買野食，都好似要搶，而且講野都好大聲，所以我只是影了幾張相，吃完一碗粉走人。

但為了可打包芒果糯米飯比屋K人或想上機前吃地道野，都係值得上機前去一去！